اسلام آباد۔ 27 دسمبر (اے پی پی) کورونا دین اتون مون تننگ کن ایشیائی شونداری بینک انا کمکاری آن پاکستان ءِ دسمبر نا تُو اٹی 15 ملین ویکسین نا پین خور فراوان کننگانے۔ داہیت ءِ ایشیائی شونداری بینک انا کنڈآن ٹویٹر آ جاری ٹویٹ اٹی پاننگانے۔ بینک انا کنڈآن پاننگانے کہ دسمبر 2021اٹی کورونا دین اتون مون تننگ کن پین 15 ملین ویکسین نا خور پاکستان ءِ فراوان کننگانے۔ ایشیائی شونداری بینک پارے کہ بینک انا کنڈآن کورونا دین اتون مون تننگ کن پاکستان ءِ 50 کروڑ ڈالر نا کمک فراوان کننگانے۔ دا کمک ہفت ءُ نیم کروڑ شاری تے ویکسین نا خور، سیفٹی باکسز و سرنج آتا ہلنگ کن فراوان کننگانے۔
