لاہور۔ 27 دسمبر (اے پی پی) وزیر مملکت حوالکاری فرخ حبیب تون پی ٹی آئی نا سینئر مرکزی راہشون اومیتدار میئر لاہور رانا محمد تنویر ورانا لقمان قاضی ئسک اوڑدہی کریر ہراٹی ملکی سیاسی حالیت و تین پہ تینی است خواہی نا امور آ گپ وتران کننگا۔ داوخت آ وزیر مملکت فرخ حبیب و رانا محمد تنویر نا پاننگ ئسک کہ پنجاب نا بلدیاتی گچین کاری تیٹی تحریک انصاف پورو تیاری اتون بریک، کے پی کے گچین کاری تیان سبخ اس ہلینہ ہراردینک آک رہینگاسر اوفتے مر کینہ، متکن آ کارندہ، سوگو و گچین شہرت تخوک مخلوق ءِ پارٹی ٹکٹ تننگک، کارندہ غاک پارٹی نا نہادی میرات ءُ اوفتا گلہ شکوہ غاتے مر کینہ، لاہور پی ٹی آئی نا قلعہ ثابت مریک ن لیگ ءِ عبرتناک شکست ایتنہ۔ راہشون آتا مستی پاننگ ئس کہ وزیراعظم عمران خان دُز و لُٹ و پل کروک آتے ڈھیل تفک، قومی ڈوہدار نواز شریف ءِ لندن والا ہم پدی تخنگ کن تیار افس، قومی گمان ءِ کہ زوت ڈی پورٹ مننگ نا چانس ءِ، ہنداخاطرآن انقلابی مننگ نا کوشست کننگ ءِ، نواز شریف بفننگ ءِ بلکن لندن والاک تینا ملک آن کشنگ کن تیاری کننگ ءُ، ہنداخاطرآن اونا نن تا تغ حرام مسنے۔
