اسلام آباد۔ 27 دسمبر (اے پی پی) قومی رحمت اللعالمین اتھارٹی کانفرنس 29 دسمبر آ مریک۔ دوشنبے نادے آ وزارت تعلیم نا کنڈآن جاری بیان نا رداٹ داکانفرنس اٹی بالعموم مسلم دنیا و خاص وڑاٹ پاکستان نا جاچ ءِ ہلنگک تانکہ دا ہُننگ مرے کہ نن ہراوڑ داڑے سرمسن ہراڑے ننا راج انا بھازانگا تپہ غاک بھاز بے وڑ زہمی مسنو و اوفتا تعمیر نونا گرج ءِ۔ کانفرنس نا نفسِ سرحال دادے کہ مسلم دنیا نا روحانی و فکری تنکی اوناعسکری و اقتصادی چیلنج آتیان مہالو ءِ ہنداخاطرآن عسکری و اقتصادی چیلنج آتا ہموحالیت اٹ مون ءِ توننگ مریک ہراتم ذہن نا نفسیاتی استعمار نا مون ءِ توننگے۔ داکانفرنس مسلم دنیا نا طاقت و اشرافیہ و فکری اشرافیہ نا نیام اٹ برجاگپ وتران نا چرجوئی نا نتیجہ ءِ۔ ہراہراوڑ دنیا کثیر القطبی مسنے و انسانی فطرت ، کانود و حکمرانی آن ہلیس چاگڑداسکان ہر گڑاغا گیشترنظریہ غاتون، غٹ تہذیب آک راج ءِ مون تروک اجتماعی چیلنج آتا ایسری کن تینا بشخ ءِ ادا کیر۔ کانفرنس اٹی ہراپنی آ عالم دینک بشخ ہلیرہ اوفتے ٹی ڈاکٹر سید حسین نصر، ڈاکٹر ٹموتھی سرما، شیخ حمزہ یوسف، شیخ عبداللہ بن بیاح، ڈاکٹر عبدالرحمان، عثمان بکر، ڈاکٹر چندر مظفر و ڈاکٹر ریسیپ سنٹرک ئسک اوار ءُ۔
