اسلام آباد۔ 27 دسمبر (اے پی پی) ملک اٹی کروک آ براہ راست درملکی زرکاری (ایف ڈی آئی) برجامالی سال اٹی 12 درسد ودا۔ اسٹیٹ بینک آف پاکستان (ایس بی پی) نا رپورٹ نا رداٹ اینخو مالی سال اٹی جولائی آن نومبر 2021اٹی پاکستان اٹی 797.7 ملین ڈالر براہ راست درملکی زرکاری کننگا وخت اس کہ تدوک آ مالی سال اٹی جولائی آن نومبر 2020اٹی ملک اٹی کروک آ ایف ڈی آئی نا کچ 710.3 ملین ڈالر ئسک۔ ہنداوڑ تدوک آ مالی سال انا مقابلہ ٹی اینخو مالی سال اٹی پاکستان اٹی کروک آ براہ راست درملکی زرکاری نا کچ اٹی 87.4 ملین ڈالر یعنی 12 درسد نا نمان ودکی ریکارڈ کننگا۔ رپورٹ نا رداٹ اینخو مالی سال اٹی ہالینڈ ملک اٹی ایف ڈی آئی کروک آ ملک آتیٹی سرفہرست ئسک و اینخو مایل سال اٹی ہالینڈ نا ایف ڈی آئی 325 درسد ودکی آن 153 ملین ڈالر اسکان ودا۔
