عیسائی برات آناں توامیں بنیاتی آسراتی  پجاری حکومت ءِ اولی کار انت، کروڑانی کلدار ءِ دیمروئی کار آنی بنگیج  عیسائی کمیونٹی ءِ واستہ  ٹیکی ات، فرخ حبیب

فیصل آباد  ۔26دسمبر  (اے پی پی):وزیر مملکت اھوالکاری ءُ شنگ کاری فرخ حبیب ءَ گوشت کہ عیسائی برات  آناں توامیں بنیاتی آسراتی ءِ پجاری حکومت  ءِ اولی ترجی انت ءُ کروڑانی کلدار ءِ  دیمروئی کار آنی بنگیج عیسائی کمیونٹی ءِ واستہ ٹیکی ات ءُ  کرسچن کمیونٹی ءَ را  آئی ءِ نیک راھی  وشیں  روچ آنی نیمگ ءَ ، مزن وزیر عمران خان ءُ حکومت  ءُ پاکستانی الس ءِ نیمگ ءَ مبارک بات  پیش  کناں۔ آئی ءَ اے گپ فیصل آباد ءِ دمگ  خوشحال ٹائون ءِ عیسائی برات آنی نیمگ ءَ جتا جتائیں دیمروئی  منصوبگ  کارپنڈ روڈ، 225 ملکھانوالہ ڈسپوزل، سیوریج انفرانسٹرکچر، پبلک پارک ءُ سول ڈسپنسری ءِ  جوڑیشت ءِ بنگیج ءِ موہ ءَ  یک ٹوھیں مچی ءَ گوں گشتانک  دیان ءَ کت۔ اے موہ ءِ سر ءَ صوبائی وزیر برائے بنی آدمی ھک ءُ گور آنی کار پنجاپ اعجاز آگسٹین، گور ممبر صوبائی اسمبلی یوڈسٹر چوہان، پیسریگیں امیت وار  پنجاپ  اسمبلی  چوہدری  خالد ر فیع چیمہ، میاں نبیل ارشد  ءُ عیسائی سروک   حبقوق گل  ءَ ھوار کرسچن کمیونٹی ءِ ٹوھیں ٹوھیں سروک اے موہ ءِ سر ءَ  ساڑی اتنت۔