اسلام آباد۔25دسمبر (اے پی پی):صدر مملکت ڈاکٹر عارف علوی ءَ گوشت کہ قائداعظم محمد علی جناح ءِ پاکستان ءَ را بے مٹ ءُ شرپ مند کنگ ءِ واستہ مارا آئی گوشتگیں رھبند آنا ں وتی کنگ لوٹ ایت، آئی ءَ برصغیر ءِ مسلمان آنی آزاتی، جتا ءُ وت مستریں ریاست ءِ برجائی ءِ واستہ بے کساس کوشست کتگ ءُ وتی ازم، جزم ءُ جوانیں کرد ءِ بدولت ءَ پاکستان ءِ واب ءَ را گواچن ءِ تہ ءَ مٹ کتگ۔ صدر مملکت عارف علوی ءَ قائداعظم محمود علی جناح ءِ 145 ودی بوھگ ءِ روچ ءِ درگت ءَ وتی جاڑی کتگیں کلوہ ءَ گوشت کہ استیں جیڈھ آنی گیواری ءِ واستہ مارا یکوئی، یک مشت بوھگ ءُ مھکمیں دل یکیمی ءِ رھبند آناں پد ءُ رند کنگی انت۔ آئی ءَ گوشت کہ پاکستان ء دیمروئی ءِ واستہ چاگرد ءِ توامیں تبک ، راج ، گور ءُ ھمک مردم ءَ را یکجائی ءَ کار کنگ لوٹ ایت۔ آئی ءَ گوشت کہ ملک ءِ وشھالی ءِ وساتہ چاگرد ءَ را ڈلگچار بوتگیں مردم آنی گہبود ءَ را ترجی دیگ لوٹ ایت۔ صدر ءِ مملکت ءَ گوشت کہ مرچیگیں روچ ءَ اے جزم ءِ درشان ءَ کناں کہ پاکستان ءَ را یک شرپ مندیں ءُ مھکمیں ملک ءِ جوڑ کناں سرجمیں راج پاکستان ءِ لیڈر قائداعظم محمد علی جناح ءَ را توسیپ ءُ ستا پیش کنت۔
