سری لنکن شاری پریانتھاکمارا تون پیش بروک آ است ہسون واقعہ نا اخس کہ مذمت ءِ کننگے کم ءِ، قوم و ادارہ غاک اواری اٹ دہشت گردی نا برخلاف جنگ ءِ کٹانو، سینیٹ اٹی قائد ایوان ڈاکٹر شہزاد وسیم

اسلام آباد۔ 24 دسمبر (اے پی پی) سینیٹ اٹی قائد ایوان ڈاکٹر شہزاد وسیم پارینے کہ سری لنکن شاری پریانتھاکمارا تون پیش بروک آ است ہسون واقعہ نا اخس کہ مذمت ءِ کننگے کم ءِ، قوم و ادارہ غاک اواری اٹ دہشت گردی نا برخلاف جنگءِ کٹانو، داسہ ہندا عزم اتون شدت پسندی تون مون ایتنہ۔ جمعہ نادے آ بڑزکو ایوان اٹی تحریک التواغا شرہ ٹی بشخ ہلسا قائد ایوان سینیٹر ڈاکٹر شہزاد وسیم پارے کہ سری لنکن شاری پریانتھاکمارا تون پیش بروک آ است ہسون واقعہ نا اخس کہ مذمت ءِ کننگے کم ءِ، مچ آ قوم دا ڈکھیائی و کرب ءِ محسوس کرے، حکومت و مچ آ قوم داواقعہ غا ندامت نا درشانی ءِ کریر، داواقعہ شدت پسندی نا ہمو رجحان نا کنڈآ یات ترفک ہرانا زیار راج اٹ سرایت کرینے، اقلیتی پڑک کانود ءِ یرغمال کننگ نا کوشست اٹی ءُ، ملک عدنان انسانیت نادرور اس قائم کرینے، حکومت غٹ سیاسی و مذہبی راہشون و غٹ تپہ غاک داواقعہ نا برخلاف غم و غصہ نا درشانی ءِ کریر، ہمسایہ ملک اٹ ہڑدے حکومتی سرپرستی ٹی داوڑنا واقعہ غاک مریرہ، راج خاموشی اختیار کیک، مچ آ پاکستانی قوم داوڑنا واقعہ غاتے سگپننگ نا عزم ظاہر کرے۔ اوپارے کہ 1980 آن مذہبی شدت ءِ سیاسی مسخت آتیکن مون آ دننگا، دا چرجوئی اینو ہم دا راج اٹ ساڑی ءِ، ننے تینا چناتے دا شدت پسندی آن رکھ تخنگ نا فیصلہ ءِ کروئی ءِ، خواجہ پاک رحمتہ اللعالمین ئس، خواجہ حضور اکرم آن ننا جذباتی وابستگی ڈکھوک اف۔ اوپارے کہ اسلام پورو ضابطہ حیات ءِ، سیرت نبوی اونا تفیسر ءِ، قوم تینا چنا وورناتا ذہن سزی آ چکار تننگ نا گرج ءِ۔