سیکورٹی ادارہ غاتا قربانیک زیان مفسہ، وزیراعلیٰ بلوچستان نا کیچ اٹی سیکورٹی چیک پوسٹ آ دہشت گرد آتا جلہو نا مذمت

کوئٹہ۔ 24 دسمبر (اے پی پی) وزیراعلیٰ بلوچستان میر عبدالقدوس بزنجو کیچ اٹی سیکورٹی چیک پوسٹ آ دہشت گرد آتا جلہو نا مذمت ءِ کرسا پارینے کہ بلوچستان اٹی امن نا دشمن تا تغ اسُل پورو مفک۔ اودہشت گردی نا لغور انگا کارروائی ٹی اِر اسیکورٹی کارندہ غاتا شہیدی آڈکھیائی و است ہسونی نا درشانی ءِ کرینے۔ شہید آتا خاہوت آتون ہڑزخواہی و ہمدردی نا درشانی ءِ کینہ۔ وزیراعلیٰ بلوچستان پارے کہ دہشت گرد زموار آک پاکستان نا برخلاف تینا ناپاک عزم اٹ سرسہب مفسہ۔ دہشت گردی نا چٹفنگ کن سیکورٹی فورس آتا عزم مش تیان ہم بڑز ءِ۔ اوپارے کہ ملک وقوم انا رکھ اکن سیکورٹی ادارہ غاتا قربانیک زیان مفسہ ۔ وزیراعلیٰ شہید آتا درجہ غاتا بڑزی و خاہوت کن صبر وجمیل نا دعا کرے۔