کوئٹہ۔ 24 دسمبر (اے پی پی) گورنر بلوچستان سید ظہور احمد آغا بلوچستان نا علاقہ کیچ اٹی سیکورٹی فورسز چیک پوسٹ آ دہشت گرد آتا جلہو اٹی سیکورٹی کارندہ غاتا شہیدی آ ڈکھیائی و غم انا درشانی ءِ کرینے۔ تینا مذمتی بیان اٹی او پارے کہ قومی سیوت و سخا اٹ دہشت گرد آتا ناپاک عزم ءِ بے سہب کننگ مریک۔ اوکانود نافذ کروک آ ادارہ غاتیا زور شاغا کہ او ہروڑنا دہشت گردی ءِ ماس کش کننگ کن غٹ دوئی وسیلہ غاتے کاریم اٹ اتیر۔ گورنر بلوچستان شہید آتا پدسلوک خاہوت آتون یکجہتی و ہڑزخواہی کرسا شہید آتا بخشش و خاہوت ءِ صبر و ہمت عطا کننگ نا دعاکرے۔
