بیجنگ۔ 24 دسمبر (اے پی پی) اینخو نا سال انا بناآن دی بیلٹ اینڈ روڈ اتون گنڈوک ملک آتون چین نا اقتصادی و واپاری کمکاری پدریسہ مون آہِننگ ءِ۔ چینی ریڈیو وزارت واپار نا تازہ انگا حساب وکتاب نا بابت پارے کہ جنوری آن نومبر اسکان چین نا دی بیلٹ اینڈ روڈ اتون گنڈوک ملک آتیٹی غیرمالی براہ راست زرکاری ٹی تدوک آ سال انا ہندا مد انا مقابلہ ٹی 12.7 درسد، تعمیراتی ڈٹ آتا کاروباری کچ اٹی 2.6 درسد نا ودکی مسنے، دا حساب و کتاب نا پد اٹ چین و دی بیلٹ اینڈ روڈ ملک آتا نیام اٹ ساڑی اقتصادی و واپاری کمکاری نا بھلو گنجائشت و سوگو ءُ قوت اس کارفرماءِ۔ ساڑی ہی ٹی چین لاؤس ریلوائی لائین باقاعدہ وڑاٹ فعال مس۔ دا ریلوائی دی بیلٹ اینڈ روڈ انا اسیجائی تفنگ کن اسہ بے مٹ ءُ ڈٹ اسے، ہراچین و آسیان ملک آتا نیام اٹ ہن و بر کن اسہ زیات آسان جہانی چینل اس جوڑ کرینے۔ وزارت واپار نا انسٹی ٹیوٹ آف انٹرنیشنل ٹریڈ اینڈ اکنامک کوآپریشن نا ڈپٹی ڈین چانگ وی نا خیال اٹ دا حساب وکتاب چین و دی بیلٹ اینڈ روڈ اتون گنڈوک ملک آتا نیام اٹ اقتصادی و واپاری کمکاری نا بھلو گنجائشت و سوگو قوت نا عکاسی ءِ کیک و دی بیلٹ اینڈ روڈ انا واپاری چینل و کمکاری نا ماڈل زیات سوگو ی نشان تسنے۔
