لاہور۔23دسمبر (اے پی پی): مزن وزیر عمران خان ءَگوشت کہ پاکستان ءَ آئی ٹی ءِ شوبگ ءَ آشوب آرگ ءِ واستہ آئیڈیل موہ است انت ایشاں چہ ورنا آناں سیت چست کنان ءَ دیم ءَ بہ جنز انت، آیوکیں و ھد نوکیں ٹیکنالوجی ءُ آئی ٹی ایگ انت، آ پنچ شمبے ءِ روچ ءَ ادا ٹیفنس ءِ نزیک ءَ اسپیشل ٹیکنالوجی زون لاہور ٹیکنا لوپیس ءِ بنگیج ءِ موہ ءَ گشتانک دیان ءَ کت۔ اے موہ ءِ سر ءَ وزیر پنجاپ سرداسر عثمان بزادار ، وزیر ءِ ہائیر ایجوکیشن کمیشن راجی یاسر ہمایون ءَ ھوار ایندگر ھم ساڑی اتنت۔ مزن وزیر عمران خان ءَگ وشت کہ ٹیک کمپنی کاٹرن آور ہزار ارب ڈالر ایگ انت بلے کورونا ءِ دور ءَ وھدیکہ کپمنیز تاوان ءَ بوتگ انت گڈا آھودا ٹیک کمپنیز ءِ سیت باز سرئی گیش بوتگ انت چیا کہ نوں دگنیا ء، دلگوش اے نیمگ ءَ گیش بوھگ ءَ انت، لائک اپسوزی گپ ایش انت کہ ما اے نیمگ ءَ پشت کپتگ آں، آئی ءَ گوشت کہ پاکستان ھما ایوکیں ملک انت کہ ادا آئیڈیل جاور انت۔ مئے کرا ورنا انت، مئے کرا 22 کروڑ ءِ آباتی توک ءَ 60 درسد ءَ چہ گیش 30 سال ءَ چہ کم ورنا انت ایشیانی وسیلگ ءَ آئی ٹی ءَ باز دیم ءَ شت کناں مئے ہمساھگیں ملک بھارت 15 ءَ چہ 20 سال ءَ پیسر مارا چہ آئی ٹی ءَ اتکگ بلے مرچی آوانی 150 ارب ڈالر ءِ برآمدات انت وھدیکہ مئے گہتری ءَ ابید 2 ارب ڈالر ءِ برآمدات انت ایشی ءِ مطلب ایش انت کہ نوں ما سرجمیں رنگ ءَ دلگوشی بدیاں آئی ٹی پارکس ءُ ٹیکنالوجی پولس جوڑ کنگ ءِ مول ءُ مراد ھم ھمیش تانکہ آئی ٹی ءَ گوں بندوکیں مردم آنی آسراتی بہ بیت، پینگ آناں ھلاس بکن انت، کاروبار ءَ آسانی ءِ ھوالگ ءَ گامگیج بکن انت، آئی ءَ گوشت کہ امینچو کہ آسراتی دیاں۔ ایشی ءَ چہ یک نیمگ ءِ ورنا آنی مزوری ءِ آسراتی دیگ ءِ جیڈھ ھم ھلاس بیت۔ آئی ءَ گوشت کہ زالبول آناں باز موہ پجاری بیت آ آئی ٹی ءَ چہ سیت چست بکن انت ءُ وتی وتی گس ءَ جوانیں ءَ چلائینت کناں۔ آءی ءَ گوشت کہ دومی جیڈھ برآمدی چیز آنی انت۔ بد بھتی ءَ چہ ما اے پڑے دیمروئی ءِ سر ءَ اچ زور پر نہ داتگ، 1960 ءَ پاکستان دیمروئی کنگ ءَ بوتگ اگاں ھما وھد ءِ برآمدی پڑ ءُ انوگیں برآمدی پڑے نیمگ ءَ چمشانک دیگ بہ بیت۔ انوں ما پشت ءَ آں آ کجا سر بوتگ انت ، مئے جیڈھ ایش انت کہ وھد ءِ معیشت دیمروئی کنگ ءَ بندات کنت گڈا مئے کرا ڈالر ءِ کمیگ بیت ، چیا کہ گروتھ ءِ واستہ امپورٹس گیش بنت ایشی ءِ سبب ءَ پینگ پیداک بیت، ڈالر ءِ کمی بیت ایشی ءِ زور زر ءِ سر ءَ پر بیت۔ گڈا ریزرو ءِ گر ءُ دار ءِ واستہ مارا آئی ایم ایف ءِ کرا ر روگ کپ ایت۔ اے سرکل ءَ ما ھما وھد ءَ در کپت کناں، تاں وھد ءِ مئے برآمدی چیز گیش مہ بنت۔ مزن وزیر ءَ گوشت کہ ٹیکنو پولیس ءِ بنگیج ءِ مول ءُ مراد ھمیش انت کہ آئی ٹی ءَ گوں بندوکیں فرمز ھما کہ ڈن ءَ انت آ پاکستان ءَ بیا انت ءُ وتی کرد ءَ پیلو بکن انت۔ ایشی ءَ چہ پیسر مزن وزیر عمران خان ءَ لاہور ءَ اسپیشل ٹیکنالوجی زورن لاہور ٹیکنا پولیس ءِ بنگیج کت۔ اے ساھت ءَ ٹیکنالوجی زورن ءِ سر ءَ کار کنوک آنی واستہ 12 کمپنی آناں لائیسنس ھم جاڑی کنگ بوت۔ ایشی ءَ ابید ملک ءِ ایندگر بھر آنی تہ ءَ سئے ٹیکنالوجی زون آنی جوڑیشت ءِ واستہ 300 ملین ڈالر ءِ سرمایہ کاری ءِ وت مہ وتی یاتگیری تپاک نامہ آنی سر ءَ دست چنگل جنگ بوت۔
