اسلام آباد۔23دسمبر (اے پی پی): مزن وزیر عمران خان ءَ لاہور ءَ گورنمنٹ کالج یونیورسٹی ءَ صوفی ازم، سائنس ءُ ٹیکنالوجی ءِ واستہ ابوالحسن اشاذلی ریسرچ سینٹر ءِ بنگیج کت ءُ 14 کروڑ کلدار ءِ کساس ءَ جوڑیشت بوھوکیں سینٹر ءِ ماڑی ءِ بن ھشت ایر کت ادا صوفی ازم ءِ رد ءَ پکوئیں زندمان ءَ را گہتر یں رپک ءَ گوازینگ ءِ پد ءَ پٹ ءُ پول کنگ بہ بیت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ادارگ ءِ مول ءُ مراد چاگرد ءِ گہتری، وت مہ وتی سگ ءُ اوپار، چاگرد ءِ شرپ ءُ ازت، صوفی ازم سائنس ءُ ٹیکنالوجی ءَ پٹ ءُ پول ءَ را دیمروئیدیگ، ھندی ءُ میاں اوستمانی پٹ ءُ پولکار آناں یک پلیٹ فارم ءِ پجاری کنگ ءُ نودربر آناں اے شوبگ ءَ پٹ ءُ پول ءُ واستہ زانت ءُ زانشتی وظیفہ پجاری کنگ انت۔ ایشی ءَ ابید سینٹر پوسٹ ڈاکٹریٹ ءُ ریسرچ فیلو شپس ھم دنت انت۔ گیش ایش کہ سینٹر پی ایچ ڈی ءِ واستہ وظیفہ ھم پجاری کنت انت ایشانی بدولت ءَ صوفی ازم ءِ شوبگ ءَ پٹ ءُ پول بیت۔
