راولپنڈی۔23دسمبر (اے پی پی):آرمی چیف جنرل قمر جاوید باجوہ ءَ لائن آف کنٹرول ( ایل او سی) ءِ سر ءَ نوکیں مورچہ آنی تر ءُ تاب کت۔ آرمی چیف ءَ ایل او سی ءِ گوما زمینی جاور ھال ءُ فارمیشن ءِ آپریشنل تیاری آنی بابت ءَ بریفنگ دیگ بوت۔ پاک فوج ءِ شوبگ آئی ایس پی آر ءِ رد ءَ آرمی چیف ءَ کوٹ کتیر اسیکٹر ءَ ایل او سی ءِگوما پوسٹیں فوجی ورنا آں گوں گند ءُ نند کت۔ آئی ءَ فوجی ٹروپ آنی جنگی تیاری ءُ جوانیں مزن جگری ءَ را توسیپ کت۔ آرمی چیف ءَ زور پر دات کہ ایل او سی ءِ سر ءَ سیکورٹی ءَ را دل یکیمی جوڑ کنگ ءِ واستہ توامیں بیم ءُ ھوپ آنی گوما ایمرجنسی رنگ ءَ مقابلہ کنگ ءِ واستہ ھمک ساھت ءَ تیار ءُ ساڑی بوھگ باز ضلوریگ انت۔ ایشی ءَ چہ پیسر ایل او سی ءَ پجگ ءِ پد ءَ کور کمانڈر لیفٹیننٹ جنرل ساحر شمشاد مرزا ءَ آرمی چیف ءَ را وش اتک کت۔
