اسلام آباد۔23دسمبر (اے پی پی):صدر مملکت ڈاکٹر عارف علوی ءَ گوشت کہ ھاسیں مردم آنی جیڈھ آنی گیواری ءِ وستہ کمیونٹی ءَ را ھوار کنگ ءِ ضلورت ءِ سر ءَ زور پر دایان ءَگ وشت کہ ھاسیں مردم آنی آسراتی ءُ گہبود یک ٹوھیں جیڈھ ات۔ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ پنچ شمبے ءِ روچ ءَ ادا ھاسیں مردم آنی آسراتی ءِ واستہ دیوان ءِ سروکی ءَ کنان ءَ کت۔ دیوان ءَ چیئرمین سی ڈی اے، کامسیٹس، نسٹ ءُ نیشنل کالج آف آرٹس ءِ کلانہ ایں انتظامیہ ءَ بھر زورکت۔ صدر مملکت ءَ گوشت کہ ھاسیں مردم آنی آزاتی ءَ گوں روگ ءُ آیگ ءَ بازیں پینگ ءِ گوما دیم پہ دیمی کنگ کپ ایت۔ پینگ آنی سبب ءَ ھاسیں مردم آناں بازیں چاگردی ءُ گہبودی چست ءُ ایر آنی تہ ءَ بھر زوری کت نہ کناں۔ ڈاکٹر عارف علوی ءَ گوشت کہ کاروباری برات ءُ ایوان ءِ صنعت ءُ تجارت ھاسیں مردم آنی آسراتی ءِ واستہ شور ءُ مشور ءَ وتی کرد ءَ پیلو کناں۔ آئی ءَ گوشت کہ ھاسیں مردم آنی آسراتی ءِ واستہ چاگرد ءِ توامیں تبک ءِ چاگردی رد ءَ زمہ واری کنگ ءِ ضلورت انت۔ دیوان ءَ نسٹ، کامسیٹس ءُ این سی اے ءِ جوڑیشت ءِ ڈیپارٹمنٹس ءِ نیمگ ءَ جتا جتائیں شور ءُ مشور پیش کنگ بوت۔ دیوان ءَ بنجاھی دارالحکومت ءِ ایف سکس ، ایف سیون ءُ آئی ایٹ بنجاھ ءَ ابید اسلام آباد ءَ ماڑی آناں ھاسیں مردم آنی واستہ زوتیں روگ ءُ آیگ ءِ واستہ جتا جتائیں شور ءُ مشور آنی سر ءَ چار ءُ تپاسی گرگ بوت۔ صدر ءِ مملکت ءَ چیئرمین سی ڈی اے ءِ وانگ جاھ آنی شور ءُ مشور آناں پکوئیں رنگ دیگ ءَ کمک کنگ ءِ پنت ءُ شون کت۔
