اسلام آباد۔ 23 دسمبر (اے پی پی) وزیراعظم نا خصوصی کمکار سیاسی ابلاغ ڈاکٹر شہبازگل پارینے کہ بدبختی اٹ پاکستان اٹی گڑاس مخلوق نا ایجنڈا مایوسی تالان کننگ ءِ، بدترین نسخان تا میرات، کورونا دین انا جہانی دین و جہانی کہول آ ریکارڈ کبینی آن پد ہم پاکستان نا زرگزران گچینی نا کنڈآ ہِننگ ءِ۔ داخیال آتا درشانی ءِ او پنچ شنبےنادے آ تینا ٹویٹ اٹی کرے۔ اوپارے کہ بدبختی اٹ پاکستان اٹی گڑاس مخلوق نا ایجنڈا مایوسی تالان کننگ ءِ، اوفتا روزی روٹی ہی ہنداٹی لکھوک ءِ۔ اوپارے کہ دنیا ٹی انت زرگزرانی حالیت آک ءُ پاکستان نا موازنہ ءِ کیر تو نن اللہ نا شکر ءِ ادا کین ، بدترین نسخان تا میرات، کورونا دین انا جہانی دین و جہانی کہول آ ریکارڈ کبینی آن پد ہم پاکستان نا زرگزران گچینی نا کنڈآ ہِننگ ءِ۔ اوپارے کہ داہمو ٹولہ ءِ ہرافتے تون ہرہیت انا ورندی ٹی کسہ ملک۔ اوپرے کہ اوفتیان ارب آ روپئی تا رسید آتے خوان تو ہم کسہ اس بنفرہ کہ وخت اس قطری تس، داسہ پوسکن آ کسہ کہ مرید آک تسر۔
