اسلام آباد۔ 23 دسمبر (اے پی پی) وزیراعظم عمران خان اینو(پنچ شنبے نادے آ) لاہور نا اسہ دے ئی دورہءِ کیک۔ وزیراعظم آفس میڈیا ونگ انا رداٹ وزیراعظم لاہور اتی اسپیشل ٹیکنالوجی زون لاہور ٹیکناپولیس نا بناءِ کیک۔ ٹیکنالوجی زون ءِ لاہور نالج پارک کمپنی نا رداٹ تفنگانے ہراڑے بھلو کچ اسے آ ٹیکنالوجی نا بشخ اٹی برآمدی کچ ءِ ودفنگ کن زرکاری کننگ انگ ءِ۔ داوخت آ ٹیکنالوجی زون اٹی کاریم کننگ کن 12 کمپنی تے لیسن جاری کننگک۔ داکان بیدس ملک انا ایلو بشخ آتیٹی مسہ ٹیکنالوجی زون تا تفنگ کن 300 ملین ڈالر نا زرکاری نامفاہمتی یات داشت آ دستخط ہم کننگک۔ وزیراعظم داوخت آ تران ہم کیک۔ وزیراعظم لاہور اٹی اہم دیوان تا کماشی ءِ کیک۔ اوکان پد وزیراعظم گورنمنٹ کالج یونیورسٹی نیو کمیپس و ابوالحسن الشاذلی ریسرچ سینٹر آن صوفی ازم ، سائنس اینڈ ٹیکنالوجی نا بناءِ کیک۔
