اسلام آباد۔ 23 دسمبر (اے پی پی) وزیرخارجہ شاہ محمود قریشی پارینے کہ پاکستان ، اسلام آباد اٹی اڈ ہلوک او آئی سی وزرائے خارجہ کونسل نا بھاز اہم انگا دیوان آن پد اوغان الس نا مخ تفی ٹی مروک آ اِرا اہم پیش رفت نا ستاءِ کیک۔ پنچ شنبے نادے آ تینا اسہ ٹویٹ اسے ٹی اوپارے کہ اقوام متحدہ نا سلامتی کونسل اوغانستان ءِ امداد فراوان کننگ نا قرارداد ءِ منظور کرینے ہراٹی بنداوی گرج انا فراوانی تا مخ تفی ءِ کننگانے۔ اسہ پین پیش رفت اسے ٹی، اوپارے کہ امریکہ امداد نا فراوانی ٹی آسانی کن طالبان آتون کاروبار کروک آ امریکی و اقوام متحدہ نا کارندہ غاتے امریکی پابندی تیان مستثنیٰ گوندنگانے۔
