اسلام آباد۔ 23 دسمبر (اے پی پی) وزیر مملکت حوالکاری فرخ حبیب پارینے کہ ایشیاٹی ٹیکسٹائل ان بشخ اٹی غٹ آن زیات شونداری پاکستان اٹی مسنے، اسٹارٹ اپس اٹی 30 کروڑ ڈالر نا زرکاری بسنے، زرگزران ءِ بھازانگا چیلنج مون تروک ءِ ولے اوفتے تون مون تننگ انگ ءِ، ورناک پوسکن آ آئیڈیا غاتا رداٹ کاروبار کن بینک آتیان 10 لکھ روپئی اسکان وام ہلنگ کیرہ۔ داخیال آتا درشانی ءِ وزیر مملکت جہانی اسلامی یونیورسٹی نا دود آن تران کرسا کرے۔ اوپارے کہ ورناک ملک انا نہادی میرات ءُ، ساڑی حکومت ورناتا تعلیم و تربیت و ملکی شونداری ٹی اوار کننگ آ خاص چکار کننگ ءِ۔ فرخ حبیب پارے کہ ورناک پوسکن آ آئیڈیا غاتا رداٹ کاروبار کن بینک آتیان 10 لکھ روپئی اسکان وام ہلنگ کیرہ، ارٹ میکو سلیب نا رداٹ ورناک دونیم کروڑ روپئی اسکان نا وام ہم ہلنگ کیرہ۔ فرخ حبیب پارے کہ آئی ٹی نا برآمد آتے ودفنگ آ خاص چکار تننگانے۔ اوپارے کہ پوسکن آ آئیڈیا غاتا رداٹ ورناک اُراٹی تولوک آئی ٹی نا کمک اٹ کاروبار کننگ کیرہ، 2018 ٹی آئی ٹی برآمد آک 80 کروڑ ڈالر ئسر ہرافتے ٹی داسہ نمان ودکی مسنے۔ فرخ حبیب پارے کہ تعمیرات نا بشخ ءِ آسراتی تننگا دا بشخ اکن اسہ ہزار ارب روپئی منظور مسنے۔ وزیر مملکت حوالکاری پارے کہ تعمیراتی صنعت نا شونداری آن 120 منسلک بشخ چلینگرہ۔ اوپارے کہ کم خڑچ اُراتیکن 100 ارب روپئی نا وام منظور مسنے۔ وزیر مملکت فرخ حبیب پارے کہ ایشیاٹی ٹیکسٹائل نا بشخ اٹی غٹ آن زیات شونداری پاکستان اٹ مسنے، سٹارٹ اپس اٹی 30 کروڑ ڈالر نا زرکاری بسنے۔ فرخ حبیب پارے کہ ملک اٹی خصوصی اقتصادی زون جوڑ کننگ انگ ءِ۔ وزیر مملکت حوالکاری و شینکاری پارے کہ احساس پروگرام نا رداٹ حقدار 2 لکھ چناتے اسکالرشپس تسونن، زرگزران ءِ بھاز انگا چیلنج مون تروک ءِ ولے دافتے تون مون تننگ اُن۔
