اسلام آباد۔ 23 دسمبر (اے پی پی) بنجائی وزیر سائنس و ٹیکنالوجی سینیٹر سید شبلی فراز ہیمپ ہارویسٹنگ نا بناءِ کرے۔ دود ءِ پنچ شنبے نادے آ روات نا خڑک جوڑ انسٹی ٹیوٹ آف ہائیڈرو پونک ایگریکلچر اٹ اڈتننگا ہراڑے اسہ ایکڑ رقبہ غا دسوک آ بھنگ مسہ تُو اٹی تیار مسنے۔ داوخت آ میڈیا تون گپ وتران کرسا بنجائی وزیر سائنس و ٹیکنالوجی پارے کہ اگست اٹی بھنگ دسیسرداسہ اوفتا روتنگ نا وخت بسنے۔ اوپارے کہ نن کے پی کے، بلوچستان و گلگت آن بھنگ ہلکوسن، بھنگ انا دسنگ آن مخلوق نا فصل آتیٹی داسہ ورائٹی بریک، دادوائی تیٹی ہم کاریم اٹ بریک وخت اس کہ صنعت آتیٹی بھنگ انا فائبر کاریم بریک ۔ سینیٹر سید شبلی فراز پارے کہ وزیراعظم زیتون نا مہم اس چلیفیسس و داسہ اونا پروڈیکشن ہم بناکرینے، زیتون نا تیل نن امپورٹ کینہ، حکومت دا وڑنا پروجیکٹ آتا سرپرستی ءِ کننگ خواہک۔ اوپارے کہ بھنگ انا غٹ آن کبین انگا بشخ اونا بِج ءِ ، دانا بارواٹ دا تاثر ءِ کہ دادے غلط کاریم اٹ اتنگک۔ بنجائی وزیر پارے کہ بھنگ آن ہراپراڈیکٹس پیش تمک او ڈرگ آن زیات کٹیائی ءُ، دہ گنا کٹیا مریک تو ڈرگ اٹ کمتی بریک۔ اوپارے کہ ننے تینا ملک انا شونداری ءِ ہروئی ءِ وننے زرگزرانی وڑاٹ سوگو مروئی ءِ۔ اونا پاننگ ئس کہ ننا وزارت سائنس نا زبردست ءُ ٹیم اسے، جنوری ٹی نن بھاز بھلو سائنس و ٹیکنالوجی فیئر اس ہم کننگ اُن۔
