دبئی ایکسپو نا 82 دے اٹی پاکستان پویلین نا 5 لکھ بندغ دورہ ءِ کرینو، وزیراعظم نا سلاہکار واپار عبدالرزاق داؤد

اسلام آباد۔ 22 دسمبر (اے پی پی) وزیراعظم نا سلاہکار واپار عبدالرزاق داؤد پارینے کہ دبئی ایکسپو نا 82 دے اٹی پاکستان پویلین نا 5 لکھ بندغ دورہ ءِ کرینو۔ چارشنبے نادے آاسہ بیان اسے ٹی سلاہکار واپار پارے کہ دانمائش اٹی پاکستان ہڑدے نا بنداو آ دودوربیدگی ایونٹ اڈ تسنے۔ اوپارے کہ پاکستان نا چندی علاقہ غاتا دودوربیدگ آن وزیٹر آتے روشناس کرفے، آرٹیفیشل انٹیلی جنس نا کمک اٹ پاکستان نا سیل و سواتی ہند آتا تشہیر کن سکرین خلنگانے۔ اوپارے کہ دبئی نمائش اٹ پاکستان پویلین ملکی سیل و سوات، دودوربیدگ و کاروبار نا مون آ دننگ کن کوشست کننگ ءِ۔