اسلام آباد۔ 22 دسمبر (اے پی پی) بنجائی وزیر انسداد منشیات اعجاز احمد شاہ پارینے کہ پاکستان اٹ اقلیت آتا حق و اوفتا رکھ ءِ پک کننگ ننا فرض ءِ، ننے غٹ ءِ یکجامرسا ملک انا شونداری و شونہالی کن کاریم کروئی ءِ۔ چارشنبے نادے آ وزارت انسداد منشیات نا مسیحی ملازم آتا کنڈآن اڈتروک کرسمس دود انا وخت آ اعجاز احمد شاہ پارے کہ ملکی شونداری کن مسیحی برادری نا مدام اہم کڑد اس مسنے۔ او مسیحی ملازم آتون اوار کرسمس نا کیک ءِ کاٹا و غت بشخ ہلوک آتے انفرادی وڑاٹ کرسمس نا خوشی تا مبارکبادی تس وپارے کہ نم غٹ تینا خاہوت و دوست آتون پبی وڑاٹ دا تہور ءِ اڈایتبو۔ داوخت آ وزیر انسداد منشیات اعجاز احمد شاہ ملازم آتیٹی ٹیکی ہم بشخا۔ اوپارے کہ نن غٹ نما خوشی تیٹی شریک اُن۔ داوخت آ غٹ بشخ ہلوک آک بنجائی وزیر نا منت واری ءِ ہرفیر و خوشی نا درشانی ءِ کریر ، سیکرٹری انسداد منشیات ڈاکٹر سید کلیم امام ہم داوخت آ ساڑی ئسک ، اوہم غٹ بشخ ہلوک آتے کرسمس نا خوشی تا مبارکبادی تس۔
