کوئٹہ۔ 22 دسمبر (اے پی پی) مستونگ ضلعی انتظامیہ نا کورونا دین انا برخلاف پبی گام گیج ، کوئٹہ کراچی، کوئٹہ تفتان قومی شاہراہ نا سنگم لکپاس ٹول پلازہ غا کورونا ویکسی نیشن سینٹر اسے نا جوڑ کننگ و بنا، سرجم حوال آتا رداٹ این سی او سی نا کنڈآن و چیف سیکرٹری بلوچستان نا خصوصی پارت ءِ مو ن آ تخسا ڈپٹی کمشنر میجر (ر) الیاس کبزئی کوئٹہ کراچی و کوئٹہ تفتان قومی شاہراہ غاتا سنگم آ لکپاس ٹول پلازہ آ کورونا ویکسین نا چرجوئی ٹی ویکسی نیشن سینٹر نا باقاعدہ بناءِ کرے ۔ داوخت آ اسسٹنٹ کمشنر مستونگ عطاالمنعم ، ڈی ایچ او ڈاکٹر محمد انور گولہ، ڈپٹی ڈی ایچ او ڈاکٹر سلیم اکبر رئیسانی میجر رسالدار شاہ محمد زہری ڈی ایس وی عبدالسلام زہری فوکل پرسن کرونا آصف ترین داوخت آ ڈپٹی کمشنر این سی او سی نا کنڈآن کورونا کمپین نا چرجوئی ٹی قومی شاہراہ غا مسافر آتے کورونا غان بچفنگ نا ویکسی نیشن کرفیر۔ داکان بیدس ڈپٹی کمشنر ڈی ایچ او اسسٹنٹ کمشنر و ایلو آفیسر آک گیشتر مسافر آتا کورونا ویکسی نیشن کارڈ ءِ چیک کریر و ویکسی نیشن کرفپروک آتا ویکسی نیشن ءِ کرفیر ۔ داوخت آ ڈپٹی کمشنر ڈی ایچ او و ایلو آفیسر آک مسافر آتے کورونا دین آن بچفنگ و اوفتا ویکسی نیشن نا بابت آگاہی فراوان کرسا پاریر کہ این سی او سی نا پرمان نا رداٹ صوبہ نا ایلو ضلع غاتیانبار 21 ددسمبر آن 31 دسمبر اسکان ضلع مستونگ اٹ کورونا کمپین بناکرینے ہرانا رداٹ کورونا دین انا توننگ و اوڑآن بچفنگ کن 12 سال انا چناتیان ہلیس غٹ بندغ آتے ویکسین کننگک اوفک پاریر کہ کورونا دین انا توننگ و اوڑآن بچفنگ کن غٹ ءِ کورونا غان بچفنگ نا ویکسی نیشن کرفوئی مریک۔ ہرانا چرجوئی ٹی قومی شاہراہ، ہسپتال ، سرکاری دفتر و پبلک ہند آتیا ہم کورونا غان بچفنگ نا ویکسی نیشن کارڈ چیک کننگ نا عمل برجاءِ۔ اوالس آن خواست کریر کہ جہانی دین کورونا غان تینے و تینا خاہوت نا بندغ و ملک ءِ رکھ کننگ کن ویکسی نیشن المی کرفیر تانکہ داوڑنا دینی مرض آتیان بچنگ مرے۔
