بلوچستان آن ٹی بی نا چٹفنگ کن گام گیج آتے پین گچین کننگک، ٹی بی کنٹرول پروگرام نا عملہ صوبہ ٹی ٹی بی کون آ مرض انا چٹفنگ کن سنبرینگوک ءُ، بلوچستان ٹی بی کنٹرول پروگرام نا صوبائی منیجر ڈاکٹر آصف شاہوانی

کوئٹہ۔ 22 دسمبر (اے پی پی) بلوچستان ٹی بی کنٹرول پروگرام نا صوبائی منیجر ڈاکٹر آصف شاہوانی پارینے کہ بلوچستان آن ٹی بی نا چٹفنگ کن گام گیج آتے پین گچین کننگک، ٹی بی کنٹرول پروگرام نا عملہ صوبہ ٹی ٹی بی کون آ مرض انا چٹفنگ کن سنبرینگوک ءُ۔ داخیال آتا درشانی ءِ او تدوک آ دے ٹی بی کنٹرول پروگرام نا رداٹ اِرادے ئی صوبائی ششماہی سرویلنس دیوان آن تران کرسا کرے۔ دیوان نا کماشی ءِ صوبائی پروگرام منیجر ڈاکٹر آصف شاہوانی کرے ، دیوان اٹی نیشنل ٹی بی کنٹرول پروگرام نا نمائندگی ءِ ڈاکٹر بشارت وخت اس کہ مرسی کور انا نمائندگی ءِ ڈاکٹر سعید اللہ خان ، گرین اسٹار نا نمائندگی ءِ ڈاکٹر خالد و ایس پی او نا نمائندگی ءِ ڈاکٹر امداد کرے وخت اس کہ دیوان اٹی غٹ ضلع غاتا ڈسٹرکٹ ہیلتھ آفیسرز (ڈی ایچ اوز) و ڈسٹرکٹ ٹیوبر کلوسز کوارڈنیٹر ز(ڈی ٹی سی) ئسک بشخ ہلکر ۔ بلوچستان ٹی بی کنٹرول پروگرام نا صوبائی منیجر ڈاکٹر آصف شاہوانی پارے کہ بلوچستان اٹی ٹی بی نا مرض اٹ ودکی نا اسہ سوب نیزگاری و شعور و آگاہی نا کمتی ءِ و داویل آتا گواچی ہربندغ دامرض اٹی اختہ مننگ کیک۔ ہندا سوب ءِ کہ شاری علاقہ غاتیان بیدس بلوچستان نا مر مر انگا علاقہ غاتیٹی دا مرض انا حالیت بھاز گھمبیر ءِ ولے بلوچستان ٹی بی کنٹرول پروگرام نا عملہ دا مرض انا چٹفنگ کن سنبرینگوک ءِ، اوپارے کہ ٹی بی کنٹرول پروگرام نا کنڈآن بلوچستان اٹی دا ناجوڑی نا توننگ کن صوبہ نا غٹ ضلع غاتیٹی تشخیصی مرکز جوڑ ءِ ہراڑے ہلہلہ ئی بنداو تیا اسکول و کالج آتا کہول آ آگاہی و ڈاکٹرز و پیرامیڈیکل اسٹاف ءِ تربیت نا فراوانی نا پروگرام آ ہم عملدرآمد کننگ انگ ءِ۔ دیوان اٹی ٹی بی نا کنٹرول کن اہم فیصلہ کننگا تانکہ مخلوق اٹی ٹی بی نا بابت شعور و آگاہی تالان کننگے و مخلوق دا ناجوڑی آن رکھ مرے۔