کوئٹہ۔ 22 دسمبر (اے پی پی) گورنر بلوچستان سید ظہور احمد آغا تون صوبائی محتسب نذر بلوچ اوڑدہی کرے و ادارہ ءِ ملوک آ غاو، اوفتا ازالہ کن کروک آ گام گیج، کارکڑد ءِ گچین کننگ نا گمان وآخبت نالائحہ عمل آ شرہ مس۔ محتسب بلوچستان گورنر ءِ ادارہ نا سالانہ جاچ رپورٹ ءِ پیش کرے۔ رپورٹ نار داٹ مچ آ سال اٹی 568 غاو دوئی مس ہرافتیا وخت آ فیصلہ تننگا ۔ گورنر سید ظہور احمد آغا پارے کہ صوبائی محتسب نا جوڑ کننگ نا مسخت نیزگار و نادار مخلوق ءِ وخت آ انصاف نا فراوانی ءِ۔ اوپارت کرے کہ غریب ونادار مخلوق ءِ انصاف نا فراوانی و اوفتا دادرسی کن صوبائی محتسب تینا کارکڑد ءِ پین گچین کے۔
