اسلام آباد۔ 22 دسمبر (اے پی پی) ابوظہبی ٹی رہینگوک آ پاکستانی تا زررادہ کننگ اٹ برجامالی سال نا اولیکو 5 تُو اٹی تدوک آ مالی سال انا ہندا مد انا مقابلہ ٹی 40.1 درسد نا نمو ریکارڈ کننگانے۔ اسٹیٹ بینک انا جاری کروک حساب وکتاب نا رداٹ جولائی آن نومبر اسکان نا مد اٹی ابوظہبی ٹی کاریم کروک آ پاکستانیک 514.1 ملین ڈالر نا زرمبادلہ پاکستان آ گدریفیر ہراکہ تدوک آ مالی سال انا ہندا مد انا مقابلہ ٹی 40.1 درسد زیات ءُ۔ تدوک آ مالی سال انا ہندا مد اٹی ابوظہبی ٹی رہینگوک آ پاکستانیک 366.9 ملین ڈالر نا زرمبادلہ پاکستان آ مون تسوسر۔ نومبر اٹی ابوظہبی ٹی کاریم کروک آ پاکستانیک 77ملین ڈالر نا زرمبادلہ ملک آ مون تسر۔ تدوک آ سال نومبر اٹی ابوظہبی آن ترسیلات زر انا کچ 60.7 ملین ڈالر ریکارڈ کننگاسس۔ یات سلے کہ برجامالی سال انا اولیکو 5 تُو اٹی سمندر پارپاکستانی تا زررادہ کننگ اٹ تدوک آ مالی سال نا ہندا مد اٹی 9.7 درسد نا نمو ریکارڈ کننگانے وخت اس کہ تدوک آ مالی سال اٹی ترسیلات زر اٹی جم وڑاٹ 26.9 درسد نا نمو ریکارڈ کننگاسس۔
