اسلام آباد۔ 21 دسمبر (اے پی پی) وزیراعظم عمران خان پارینے کہ بلدیاتی گچین کاری تا اولیکو ریسہ ٹی پاکستان تحریک انصاف غلطی کرے،و اونا بھرم ءِ کُنگ، داسہ ای تینٹ بلدیاتی گچین کاری تا بابت حکمت عملی نا چاروکی ءِ کیوہ۔ و پی ٹی آئی سوگو ءُ قوت اس مریک۔ سے شنبے نادے آ تینا ٹویٹ اٹی اوپارے کہ خیبرپختونخوا ٹی بلدیاتی گچین کاری تا اولیکو ریسہ ٹی پاکستان تحریک انصاف غلطی کرے و اونا بھرم ءِ کُنگ، دانا بھلو سوب غلط اومیتدار آتا گچین ئس۔ اوپارے کہ اوداسہ خیبرپختونخوا ٹی بلدیاتی گچین کاری تا ارٹ میکو ریسہ و مچ آ پاکستان اٹ مروک آ بلدیاتی گچین کاری تا حکمت عملی نا تینٹ چاروکی ءِ کیک۔ انشاء اللہ تحریک انصاف سوگو ترمرسا مون آبریک۔
