اسلام آباد۔ 21 دسمبر (اے پی پی) سارک انا سیکرٹری جنرل ایسا لارووان ویراکون (پگہ) چارشنبے نادے آ اِرادے ئی دورہ غا پاکستان آ بریک۔ مارچ 2020اٹی سیکرٹری جنرل نا عہدہ ءِ سنبھالنگ آن پد اونا پاکستان نا دا اولیکو دورہ ءِ۔ ترجمان دفترخارجہ نا رداٹ سیکرٹری جنرل سارک وزیراعظم عمران خان و وزیرخارجہ شاہ محمود قریشی آن بیدس ایلو بڑزکو کمامدارآتون ہم اوڑدہی کیک۔ دادورہ سارک انا مسخت و اصول آتا بابت پاکستان نا عزم انا درشانی ءِ کننگ، سارک اتون کمکاری نا چندی پلو آتیا تینا نقطہ نظر ءِ شیئر کننگ و ڈیہہ ٹی امن ، سلامتی و شونداری نا مون آ دننگ کن پاکستان نا کوشست آتے تالان کننگ نا اسہ موقع اس فراوان کیک۔ سارک انا بانی باسک انا حیثیت اٹ پاکستان تنظیم نا مسخت آتے مون آ دننگ کن پورو وڑاٹ سنبرینگوک ءِ۔ پاکستان ڈیہہ ٹی کمکاری، تین پہ تینی پت، اقتصادی انضمام و راجی و دودوربیدگی شونداری نا سارک مسخت آتا دوئی کننگ اٹ اہم ءُ کڑد اس ادا کرینے۔
