راولپنڈی۔ 21 دسمبر (اے پی پی) پاکستان ہندی وڑاٹ تیار کروک بابر کروزمیزائل 1بی نا زیات رینج والا ورژن نا سرسہب آزموندہ ءِ کرے۔ ڈائریکٹر جنرل اسٹریٹجک پلانز ڈویژن لیفٹیننٹ جنرل ندیم ذکی منج، چیئرمین نیسکام ڈاکٹر رضاثمر، کمانڈر آرمی سٹریٹجک فورس کمانڈ لیفٹیننٹ جنرل محمد علی، سٹریٹجک پلانز ڈویژن و سٹریٹجک فورس آتا سینئر آفیسر، سٹریٹجک ادارہ غاتا سائنسدان و انجینئرآک میزائل لانچ نامشاہدہ ءِ کریر۔ پاک فوج انا شعبہ تعلقات عامہ نا رداٹ ڈائریکٹر جنرل ، سٹریٹجک پلانز ڈویژن سائنسدان و انجینئرآتے کروز میزائل ٹیکنالوجی نا بشخ اٹی گچین کارکڑد نشان تننگ آ مبارکبادی تس و تینا پورو پت انا درشانی ءِ کرے کہ دا آزموندہ پاکستان اسٹریٹجک ڈیٹرنس ءِ پین سوگوی ایتک۔ صدر مملکت ، وزیراعظم پاکستان، چیئرمین جوائنٹ چیفس آف اسٹاف کمیٹی و سروسز چیفس ہم سائنسدان و انجینئرآتے سرسہب آزموندہ غا مبارکبادی تسنو۔
