اسلام آباد۔ 21 دسمبر (اے پی پی) اسپیکر قومی اسمبلی اسد قیصر نا سلہ غا سعودی عرب نا شوریٰ کونسل نا چیئرمین ڈاکٹر عبداللہ بن محمد الشیخ نا کماشی ٹی سعودی پارلیمانی ڈل (پگہ) چارشنبے نادے آ مسہ دے ئی سرکاری دورہ غا اسلام آباد آ سرمریک۔ قومی اسمبلی سیکرٹریٹ نا رداٹ سعودی پارلیمانی ڈل اسلام آباد اٹی تینا اڈکننگ نا وخت آ اسپیکر قومی اسمبلی اسد قیصر تون اوڑدہی آن بیدس صدر اسلامی جمہوریہ پاکستان ڈاکٹر عارف علوی، وزیراعظم پاکستان عمران خان و پاکستان نا سیاسی سرکڑدہ غاتون ہم اوڑدہی کیک۔ دا اوڑدہی تیٹی بین الپارلیمانی رابطہ، ہڑتوم آ کنڈآتا تعلقداری، علاقائی شونداری و ہڑتوم آ ملک آتا نیام اٹ پارلیمانی تعلقداری تے سوگو کننگ نا حکمت عملی آ گپ وتران کننگک۔سعودی پارلیمانی ڈل انا دا دورہ ءِ بدلی نا محرک گوندنگ انگ ءِ و داڑآن ڈیہہ ٹی امن و سوگوی ءِ مون آ دننگ دوئی مریک و ہڑتوم آ برادر ملک آتا نیام اٹ سیاسی وپارلیمانی کمکاری و ہم آہنگی نا پوسکن آ کسر آک آوار مریرہ۔

متعلقہ مضامینمصنف کی طرف سے مزید