اسلام آباد۔ 21 دسمبر (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ خیبرپختونخواآن ن لیگ انا صفایا مسنے، دا پی ٹی آئی نا قلعہ ئس و مریک۔ سے شنبے نادے آ احسن اقبال نا بیان آ ردعمل اٹ اوپارے کہ نابود لیگ انا اومیتدار آتا مرکز لوکل گورنمنٹ الیکشن ءِ، تدوک آ 8 سال آن پی ٹی آئی پختونخوانا پنی انگا پارٹی ءِ، اوپارے کہ ن لیگ نا خیبرپختونخوا آن صفایا مس۔ نابود لیگ بیرہ پنجاب نا منہ حلقہ غاتا پارٹی ءِ۔ ڈاکٹر شہباز گل پارے کہ خیبرپختونخوا ٹی بلدیاتی گچین کاری تا اولیکو ریسہ نا بے سہبی آ خوش مروک آک پگہ ننا کٹنگ آ خڑینک شولسا خننگرہ۔ خیبرپختونخوا پی ٹی آئی نا قلعہ ئس و مریک۔ وزیراعظم عمران خان پاکستانی الس نا اسٹ انگا اومیت ءِ۔
