اسلام آباد۔ 21 دسمبر (اے پی پی) بنجائی وزیر حوالکاری و شینکاری چوہدری فواد حسین پارینے کہ بیرہ اینخو سال درملکی وام تا زرتس 12.27 ارب ڈالر ءِ وکم و ود 12.5 ارب ڈالر نا زرتس 2023اٹی کروئی ءِ۔ سے شنبے نادے آ تینا ٹویٹ اٹی اوپارے کہ پاکستان تحریک انصاف نا پنچ سال اٹی جم وڑاٹ وام تا زرتس کم و ود 55 ارب ڈالر مریک وخت اس کہ ن لیگ تینا پنچ سال آتیٹی 27 ارب ڈالر نا زرتس ۔ تینا اسہ پین ٹویٹ اسے ٹی رانا عمران سلیم نا ٹویٹ نا ورندی ءِ ترسا بنجائی وزیر حوالکاری پارے کہ پاکستان تحریک انصاف نا سرکڑدہ و کارندہ غاک ذاتی اختلاف آتے پد پشت تخر و عمران خان نا کماشی ٹی تینے منظم کیر، داوخت آاگہ پی ٹی آئی نزور مس تو ملک خرما تا دوٹی لگک۔
