پشاور۔ 20 دسمبر (اے پی پی) خیبرپختونخوا آن سینیٹ نا خورک نشست آ ضمنی گچین کاری ٹی تحریک انصاف نا اومیتدار شوکت ترین بھلو گیشتری اسے اٹ سرسہب مس، 145 نا ایوان اٹی سلاہکار خزانہ شوکت ترین 87 وونٹ ہلسا سینیٹر گچین مس اے این پی نا شوکت امیر زادہ و جمعیت علماء اسلام نا اومیتدار ظاہر شاہ 13، 13 وونٹ دوئی کریر 9 وونٹ مسترد گوندنگار۔ تحریک انصاف ایوب آفریدی ءِ سینیٹ نا نشست آن استیفہ ترفسا شوکت ترین ءِ ٹکٹ تسوسس وخت اس کہ اے این پی نا شوکت امیر زادہ، پی پی نا محمد سعید و جے یو آئی آف نا ظاہر شاہ سلاہکار خزانہ نا مدمقابل ئس۔ خصوصی کمکار حوالکاری خیبرپختونخوا بیرسٹر محمد علی سیف سینیٹ ضمنی گچین کاری تیٹی سرسہبی آ شوکت ترین ءِ مبارکباد ونیک است خواہی تا درشانی ءِ کرینے وپارینے کہ شوکت ترین نا بھلو گیشتری اسے اٹ کٹنگ عمران خان نا پالیسی تا سرسہبی ءِ وزیراعلیٰ محمود خان نا کماشی ٹی صوبائی حکومت ہر معرکہ ٹی سرسہبی دوئی کرے شوکت ترین ملکی شونداری ٹی تینا پبی کڑد ءِ ادا کیک۔
