اسلام آباد۔ 20 دسمبر (اے پی پی) گورنر اسٹیٹ بینک ڈاکٹر رضاباقر پارینے کہ بینک انا دفترآک فنانسنگ نا دوئی کننگ اٹ کشارگر آتا کمک ءِ کیرہ، شفافیت و وڑوڈول ءِ آسان کننگ کن حکمت عملی آ کاریم برجاءِ۔ داخیال آتا درشانی ءِ او دوشنبے نادے آ ملتان اٹی دود آن تران کرسا کرے۔ اوپارے کہ سویلی پنجاب نا ضلع غاتیٹی بینک آتے 26 درسد فنانس ملنگ ءِ، اودے پین گچین کننگک۔ اوپارے کہ تدوک آ سال ایگریکلچر سیکٹر اٹ 100 ارب روپئی نا ودکی کرین، اڑزآن اُراتا مد اٹی بینک 31 ارب روپئی تسنے۔ گورنر پارے کہ اسٹیٹ بینک مخلوق ءِ آسراتی فراوان کننگ نا وڑوڈول ءِ آسان کننگ ءِ تانکہ ہراسہ شاری ءِ فائدہ رسینگ کے۔
