اسلام آباد۔ 20 دسمبر (اے پی پی) سرسہب ورنا پروگرام نا رداٹ ورناتے واکدار کننگ کن کاروبار کن آسان شڑت آتیا وام اسکیم نا کمک اٹ 18746بندغ آتیٹی 27.4 ارب روپئی بشخسا 36491 بندغ آتے ملازمت آتا وارخواہی فراوان کننگانے۔ ‘‘اے پی پی’’ءِ دوئی دستاویزآتا رداٹ سرسہب ورناپروگرام نا رداٹ ورناتے آسان شڑت آتیا وام تا فراوانی نا عمل برجاءِ۔ سرسہب ورنا اسکیم نا رداٹ داتم اسکان 12 لکھ 71ہزار 647 ورناک کاروبار کن وام انا دوئی کننگ کن آن لائن درخواست جمع کرفینو۔ دافتیان چندی سوب آتا بنا آ 7 لکھ 77 ہزار 386 درخواست آتے مسترد کننگانے وخت اس کہ 4 لکھ 70 ہزار 611 درخواست آتیا کارروائی برجاءِ۔ 23 ہزار 650 درخواست آتے منظور کننگانے۔ داتم اسکان 18 ہزار 746 درخواست آتیا 27.4 ارب روپئی نا کاروبار کن آسان شڑت آتیا وام تننگانے۔ کاروبار کن وام انا کمک اٹ 36 ہزار 491 ورناتے ملازمت آتا وارخواہی دوئی مسنے۔ سرسہب ورنا پروگرام ءِ اسہ لکھ آن دونیم کروڑ روپئی اسکان آسان شڑت آتیا وام فراوان کننگ ءِ۔ چندی بینک آتا کمک اٹ ورناتے دا وام فراوان کننگ انگ ءِ۔ سرسہب ورناپروگرام عثمان ڈار پارینے کہ وزیراعظم عمران خان نا کماشی ٹی حکومت ورناتے تینا نت تیا سلفنگ کن آسان شڑت آتیا وام فراوان کننگ ءِ۔ ورناک آسان شڑت آتیا وام دوئی کرسا نئے بیرہ تینا کاروبار اس کرسا تینٹ تینا نت تیا سلرہ بلکن ایلوفتے ہم روزگار نا وارخواہی فراوان کیرہ۔ داپروگرام نا کمک اٹ وام تا فراوانی ٹی بلاتخصیص میرٹ و شفافیت ءِ پک کننگ انگ ءِ۔
