اسلام آباد۔ 20 دسمبر (اے پی پی) وزیراعظم آزاد کشمیر سردار عبدالقیوم نیازی پارینے کہ او آئی سی وزراء خارجہ کونسل نا اہم انگا دیوان اٹی وزیراعظم پاکستان نا کنڈآن کشمیرآ دلیرانہ موقف اختیار کننگ آ مبارکبادی ایتنہ، بروک آ سال او آئی سی وزراء خارجہ نا معمول نا دیوان اٹی کشمیر نا ویل ءِ پبی وڑاٹ چست کننگ کن داسی آن ڈٹ بندی کینہ، کشمیر اقوام متحدہ نا ایجنڈا غا ساڑی دیرینہ ایسر نا چاری جھیڑہ سے، وزیراعظم پاکستان دنیا غاباور کرفینے کہ بھارت کشمیر آ ایٹمی جنگ کننگ خواہک، داعزم آن دنیا نا امن خطرہ ٹی تمنگ کیک۔ دوشنبے نادے آ کشمیر ہاؤس اٹی پریس کانفرنس آن تران کرسا اوپارے کہ او آئی سی وزراء خارجہ کونسل نا 17 می اہم انگا دیوان اٹی چندی جہانی ادارہ غاتا سروک آک ہم ساڑی ئسر، داکانفرنس اٹ کنے بطور خاص بٹنگ انگا۔ دیوان نا بارواٹ میڈیا ءِ منہ گڑاتیان آگاہی تننگ المی ئس، دادیوان اٹی کشمیر آ ہیت کپننگ نا ہیت کننگا ولے کشمیر آ وزیراعظم پاکستان جیرت مندانہ موقف اس اختیار کرے، اسہ کشمیری اس مننگ نا ناطہ کشمیر نا ویل ءِ ہراکہول آ تالان کننگ کیوہ، کنے آن زیات دا ویل ءِ کس اس پہہ مننگ کپک، کنا تعلق ایل او سی آن ءِ۔
