خیبرپختونخوا ٹی سوگو ہندی حکومت نا قول ءِ بیرہ عمران خان پورو کرے، بنجائی وزیر حوالکاری چوہدری فواد حسین نا ٹویٹ

اسلام آباد۔ 20 دسمبر (اے پی پی) بنجائی وزیر حوالکاری و شینکاری چوہدری فواد حسین پارینے کہ خیبرپختونخوا ٹی سوگو ہندی حکومت نا قول ءِ بیرہ عمران خان پورو کرے، ارٹ میکو وار خیبرپختونخواٹی شفاف و بے کنڈہلوک گچین کاری کرفے، عمران خان اسٹ انگا لیڈر ءِ ہراتینا سیاسی فائدہ غاتے پد پشت تخسا ملک و الس کن سجفک۔ دوشنبے نادے آ تینا اسہ ٹویٹ اسے ٹی اوپارے کہ خیبرپختونخوا نا گچین کاریک اِرا بابت آن اہم ءُ، اولیکو دا کہ اولیکو وار تحصیل نا کہول آ براہ راست وونٹ آن گچین مروک نمائندہ غاتے واکداری منتقل مننگ ءِ، سوگو ہندی حکومت نا قول ءِ بیرہ عمران خان پورو کرے و ارٹ میکو اولیکووار حکومت شفاف و بے کنڈ ہلوک گچین کاری کرفے۔ اوپارے کہ بیرہ عمران خان ہمو لیڈر ءِ ہرا تینا سیاسی فائدہ غاتے پد پشت تخسا ملک و الس کن سجفک، ورنہ اخس آسان ءِ وزیراعلیٰ نا دروشم اٹ اسہ ڈکٹیٹر اس تخبو و کاریم ءِ چلیفبو ہرا پی پی پی و ن لیگ نا روایت مسنے، سندھ انا مخلوق اینو ہم دا رویہ نا گواچی ءِ، داسہ پنجاب اٹی ہم واکدار نظام اس جوڑ مننگ والا ءِ۔