اسلام آباد۔ 20 دسمبر (اے پی پی) پاکستان تحریک انصاف (پی ٹی آئی ) نا سینئر راہشون و باسک قومی اسمبلی صداقت علی عباسی پارینے کہ وزیراعظم عمران خان نا کماشی ٹی حکومت جان جوڑی نا بشخ اٹی ہندن ءُ انقلابی گام گیج کرینے ہرافتا تاریخ اٹ درور ملیپک۔ دوشنبے نادے آ نجی نیوز چینل تون گپ وتران کرسا اوپارے کہ حکومت جان جوڑی نا بشخ انا شونداری کن چندی گام گیج آتے کرینے، حکومت ملک اٹی رہینگوک آ ہرخاہوت کن ہیلتھ کارڈ انا فراوانی ءِ پک کننگ خواہک ہراکہ جان جوڑی نا گچینی و آسودہی ریاست نا کنڈآ اہم ءُ گام اسے۔ اوپارے کہ ساڑی حکومت ہمو شونداری ڈٹ آتے بھاز کم وخت اٹ پورو کرینے ہرافتے مستین نا حکومت آک سال تیٹی پورو کننگ کتنو، کس اسے ملکی شونداری نا کسر اٹ اڑاند شاغنگ کن الیپنہ۔ اوغانستان نا مخدوش حالیت آتا بارواٹ اوپارے کہ ہموڑے انسانی المیہ مون آ بننگ والا ءِ و دا جوان ءُ وخت اسے کہ جہانی برادری مشکل آتا گواچی اوغان الس نا مخ تفی ءِ کے۔
