لاہور۔ 20 دسمبر (اے پی پی) پاکستان تحریک انصاف نا سینئر مرکزی بانی راہشون ڈاکٹر شاہد صدیق خان پارینے کہ او آئی سی نا مہمانداری جہانی و تاریخی سرسہبی اسے، مچ آ دنیا ءِ کلہو ملانے کہ وزیراعظم عمران خان امت مسلمہ نا لیڈر و پاکستان اسلام نا قلعہ و پرامن ءُ ملک اسے، او آئی سی نا سرسہب دیوان نا اڈتننگ آ عمران خان نا ٹیم مبارکباد نا حقدار ءِ۔ تینا جاری بیان اٹی اوپارے کہ تینا ہمسایہ ملک اوغانستان نا ساڑی حالیت آتا گچینی و روشنا آخبت نا بابت او آئی سی نا وزراء خارجہ کونسل نا سرسہب دیوان مچ آ دنیا کن کلہو اسے کہ پاکستان اسہ پرامن ءُ ملک اسے ہرادے تینا مسلمان ایلم تا مشکل آتا احساس ارے۔ اوپارے کہ وزیراعظم عمران خان اسلامی دنیا ٹی بھلو راہشون اسے نا حیثیت اٹ مون آ بسنے۔
