خضدار۔ 20 دسمبر (اے پی پی) مسافر بس اسے نا چپی مننگ آن زالبول تون اوار اِرا بندغ زوال کریر وخت اس کہ 25 مسافر ٹھپی مسر۔ باغبانہ لیویز نا رداٹ دوشنبے نا سہب اتون کوئٹہ کراچی قومی شاہراہ چککو باغبانہ نا ہند آ پنجگور آن کراچی آ ہنوک آ مسافر بس ڈیور آن بے قابو مرسا چپی مس ہراٹی مسماۃ (ن) و وزیر گل موقع غا زوال کریر وخت اس کہ 25 مسافر ٹھپی مسر، ٹھپی مروک آتے لیویز گورنمنٹ ٹیچنگ ہسپتال خضدار آ سرکریر ہرافتیان چار ٹھپی مروک آتے کوئٹہ غا گدریفنگا وخت اس کہ ایلو زرس ٹھپی مروک آتے بنائی طبی امداد آن پد فارغ کننگا۔ لیویز نا رداٹ شکست ترند رفتاری نا سوب آن پیش بس۔
