اسلام آباد۔19دسمبر (اے پی پی):اسلامی کمکی گل ءِ وزیر ءِ درئی کار کونسل ءِ 17 ھپدھمی لس دیوان ءَ منظور کنگ بوت وت مہ وتی تپاکی ءَ اے گپ ءِ سر ءَ زور پر دیگ بوت کہ اوگانستان ءَ معاشی بدھالی لڈ ءُ بار کنوکیں آنی مزنیں کساس ءَ در کپگ ءِ سبب جوڑ بیت، ناشرکاری ءُ بے ایمنی ءَ را دیمروئی رسیت ایشی ءَ چہ نہ وشیں دمگی جاور ءُ میاں اوستمانی ایمنی ءُ برجائی ءِ سر ءَ کپ انت۔ گریبی ءَ گوں گر ءُ چیل ، روزگار ءِ موہ پیداک کنگ ءُ وتی شہری آنی ضلورت ھاسیں رنگ ءَ وردن ءُ وراک ، ساپیں آپ ، جوانیں وانگ ءُ زانگ ءُ جان سلامتی ءِ پجاری ءَ اوگانستان ءِ کمک کنگ ءِ ضلورت ءِ سر ءَ زور پر دیان ءَ اوگانستان ءِ واستہ بنی آدمی کمک ءِ پجاری ءَ میان اوستمانی برات، ھمساھگیں ملک، ڈونر ایجنسی ءُ ایندگر میاں اوستمانی ادارگ آنی کوشست آنی سر ءَ زور پر دیگ بوتگ۔ اوگانستان ءِ مالی آسراتی ءَ تاں ایشی ءِ رسائی تباہی ءَ را گر ءُ دار ءُ اقتصادی چست ءُ ایر آناں برجا کنگ ءَ ارزشتی بیت، اسلامک ڈویلپمنٹ بینک ءِ چیر دستی ءَ یک ہیومینٹیرین ترسٹ فنڈ برجا کنگ ءُ اوگان وردن ءُ وراک ءِ پروگرا م ءِ بندات کنگ ءِ پیسلہ کتگ۔ اسلامی کمکی گل ءِ وزیر ءِ درئی کار ءِ کونسل ءِ لس دیوان یک شمبے ءِ روچ ءَ اسلام آباد ءَ برجم دارگ بوت۔ سعودی عرب ءَ اسلامتی سروکی دیوان ءِ بستا ءَ اوگانستان ءَ بنی آدمی جاور ھال آنی ھوالگ ءَ او آئی سی ءِ وزیر ءِ درئی کار کونسل ءِ لس دیوان ءِ گوانک جنگ ءِ پد ءَ ساڑاتگ۔ منوگری ءَ 19 دسمبر ءَ اسلام آباد ء دیوان ءِ میزبانی ءِ سر ءَ ا سلامتی جمہوریہ پاکستان ءِ توسیپ کنگ بوت۔ انڈونیشیا ءِ نیمگ ءَ چہ یونائیٹڈ نیشن ءِ جنرل اسمبلی ء۔ اوگانستان ءِ ھرابیں جاور ھال آناں سہرا کنگ ءِ واستہ کتگیں کوشست ءُ اوگانستان ءَ بنی آدم دوستی ءِ رد ءَ مسلمانیں ملک آنی نیمگ ءَ چہ یکجائی دلگوش ءُ چار ءُ بچار کنگ بوت۔ اسلامی کمکی گل او آئی سی ءِ منشور ءَ درجمیں رھبند ، مول ءُ مراد ، اسلامی سروکی دیوان، وزیر ءِ درئی کار کونسل ءُ او آئی سی ءِ ایگزیکٹو کمیٹی ءِ اوگانستان ءِ جاور ھال آنی بابت ءَ 22 اگست 2021 ءَ بوھوکیں لس دیوان ءَ پکوئیں جار ءَ وت مہ وتی تپاک نامہ ءِ سروکی ءَ یک لس دیوان ءِ برجم دارگ بوت۔
