اسلام آباد۔19دسمبر (اے پی پی): مزن وزیر ءِ مشیر برائے ھزانگ ءُ ایندگر کار شوکت فیاض ترین ءَ گوشت کہ دگنیا ءِ اوگانستان ءِ مردم آنی سکی آناں کم کنگ ءِ واستہ جوانیں کمک پجاری کنگ وھد ءِ ارزشتی ایں ضلورت انت۔ شمبے ءِ روچ ءَ ریڈیو پاکستان ءِ کرنٹ افیئر پروگرام ءَ تران کنان ءَ آئی ءَ گوشت کہ پاکستان اوگان الس ءَ را کمک پجاری ءِ واستہ ھمک رنگیں کوشست کنگ ءَ انت۔ آءی ءَ گوشت کہ نوں وھد اتکگ کہ ٹوھیں ھاٹیگ اوگانستان ءِ جاور ھال آنی سکی آناں بہ پھم انت ءُ اے رد ءَ وتی جوانیں کرد ءَ را پیلو بکن انت۔ آءی ءَ گوشت کہ دگنیا ءَ را اوگانستان ءِ دیمروئی ءِ واستہ کرد ءَ را پیلو کنگ لوٹ ایت، بنیاتی رنگ ءَ مارا بنی آدمی ڈکالی ءَ را کم کنگ لوٹ ایت۔ آئی ءَ مالی بندش آناں دور کنگ ءِ زور پر دات ھما کہ کجام ھم ارزشتی ایں کار ءِ سرجمیں ءَ بنیاتی پینگ انت۔
