اسلام آباد۔19دسمبر (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ گوشت کہ فرخ حبیب ءَ گوشت کہ پاکستان مدام اوگانستان ءِ کمک ءِ واستہ سروک بوتگ ءُ 40 لکھ اوگان لڈ ءُ بار کنوک آنی میزبانی کتگ، اوگانستان ءِ الس آناں بنی آدمی بنیات ءَ کمک کنگ ءِ ضلورت انت۔ بنجاھی درالحکومت ءَ اسلامی اسلامی کمک گل ءِ لس دیوان ءِ موہ ءَ میڈیا ءَ گوں تران کنان ءَ 41 سال ءَ چہ پد او آئی سی ءِ ارزشتی ایں دیوان پاکستان ءَ بوھگ ءَ انت۔ آئی ءَ گوشت کہ ایشی ءَ چہ دگنیا ءَ را کلوہ رسیت کہ پاکستان مھکمیں ءُ برجمیں اوگانستان ءِ واستہ وتی کوشست آناں جاڑی دار ایت۔ وزیر ءِ مملکت ءَ گوشت کہ اوگانستان ءِ آباتی ءِ ٹوھیں بھر ءِ شد لاپی ءِ آماچ انت ءُ اے ھوالگ ءَ رپوٹ ھم ساڑی انت۔ آئی ءَ گوشت کہ مرچی دیوان ٹوھین ارزشت ءِ دار ایت۔ وزیر ءِ مملکت اھوالکاری ءُ شنگ کاری فرخ حبیب ءَ گوشت کہ نوں وا امریکہ ءِ توک ءَ ھم اوگانستان ءِ ھوالگ ءَ گوانک چست بوھگ ءَ انت۔ آئی ءَ گوشتگ کہ ما اوگانستان ءِ مردم آناں ایوک ءَ یل دات نہ کناں، آئی ءَ گوشت کہ اوگانستان ءِ الس آناں بنی آدم دوستی ءِ بنیات ءَ کمک کنگ ءِ ضلورت انت۔
