وزیر ءِ درئی کار  مخدوم شاہ محمود قریشی ءِ وتی  سعودی ھمکار ءَ گوں گند ءُ نند، دو نیمگی یکوئی ءُ اوگانستان  ءَ ھوار پڑ ءِ جاور ھال آنی سر ءَ ھیال ریچی

اسلام آباد۔19دسمبر  (اے پی پی):او آئی سی وزیر ءِ درئی کار  کونسل ءِ لس دیوان ءِ موہ ءَ  وزیر ءِ درئی کار مخدوم شاہ محمود قریشی ءَ گوں وتی  سعودی ھمکار   شہزادہ فیصل بن فرحان آل سعود ءَ گوں گند ءُ نند کت۔ گند ءُ نند ءِ ساھت ءَ دو نیمگی یکوئی، اوگانستان ءَ ھوار پڑ ءِ  جاور ھال  ءُ  وت مہ وتی یکوئی  کار آنی سر ءَ ھیال ریچی کنگ بوت۔ وزیر ءِ درئی کار  ءَ   گوشت کہ ما سعودی عرب ءِ گوما  دو نیمگی اقتصادی ءُ معاشی یکوئی آناں ودینگ ءُ  ایشاناں سیاسی یکوئی ءَگوں وت مہ وتی  نزیک کنگ ءِ   واستہ جزمیگ آں۔ وزیر ءِ درئی کار ء۔ سکیں ساھت ءَ پاکستان ءِ کمک ءِ پد ءَ سعودی وزیر ءِ درئی کار ءِ شگر ءُ منت وری گپت ءُ گوشت کہ پاکستان ، مارچ 2022  ءَ او آئی سی وزیر ءِ درئی کار کونسل ءِ  چیل ءُ  ھشت دیون ءِ میزبانی ءِ واستہ تیار انت۔ آئی ء۔گ وشت کہ یکے ءَ چہ پد ایندگر وزیر ءِ درئی کار کونسل  ءِ دیوان آنی میزبانی ، مسلمان آنی واستہ پاکستان ءِ سسا ءُ لیکہ ءِ ترجمانی ءَ کنت۔  سعودی  وزیر ءِ درئی  کار شہزادہ فیصل بن فرحان آل سعود ءَ او آئی سی وزیر ءِ درئی کار  کونسل  ءِ لس دیوان ءِ   جوانیں انتظامی آناں ساڑاھان ءَ  جوانیں میزبانی کنگ ءِ پد ءَ وزیر ءِ درئی کار مخدوم شاہ محمود قریشی ءِ شگر ءُ منت واری گپت۔