اسلام آباد۔19دسمبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ ملائیشیا ءِ وزیر ءِ درئی کار سیف الدین عبداللہ ءَ وتی ڈل ءِ ھمبراھی ءَ یک شمبے ءِ روچ ءَ پارلیمنٹ گس ءَ آئی ءِ چیمبر ءَ گند ءُ نند کت۔ گند ءُ نند ءِ ساھت ءَ اوگانستان ءِ جاور ھال، دوئیں ملک آنی نیام ءَ جتا جتائیں شوبگ آں ھوار میڈیا ڈل آں ھوار ڈرامہ ءُ فلم آنی شوبگ ءَ کمک آنی ھوالگ ءَ ھیال ریچی کنگ بوت۔ اے موہ ءَ گوں تران کنان ءَ بنجاھی وزیر اھوالکاری ءَ گوشت کہ اوگانستان ء، جاور ھال ھمے رنگ ءَ ھراب بوھان بوت انت گڈا یک ٹوھیں بنی آدمی ڈکالی ءِ ودی بوت کنت۔ اوگانستان ءِ مزنیں آباتی ءِ گریبی ءِ لکیر ءَ چہ جھل زندمان ءَ گوازینگ ءَ انت۔ آئی ءَ گوشت کہ میان اوستمانی برات آناں اوگانستان ءِ سکیں ساھت آنی گیواری ءِ واستہ کوشست آناں کارمرز کنگ لوٹ ایت۔ آئی ءَگوشت کہ اوگانستان ءِ کمک ءِ واستہ دگنیا ءَ را دیم ءَ گام جنگ لوٹ ایت۔
