اسلام آباد۔19دسمبر (اے پی پی): پاکستان ءَ اوگانستان ءَ بنی آدمی ڈکال ءَ گوں گر ءُ چیل بوھگ، وردن ءُ وراک ءِ رکھینگ ءُ اقتصادی برجائی ءَ ابید ناشرکاری ءِ گر ءُ دار ءِ رد ءَ ادارگ آنی کار رپک ءَ را ودینگ ءِ واستہ شش ٹکی گامگیج آناں شور ءُ مشور پیش کت انت۔ یک شمبے ءِ روچ ءَ پارلیمنٹ گس ءَ وزیر ءِ درئی کار شاہ محمود قریشی ءَ اسلامی کمکی گل ءِ وزیر ءِ درئی کار ءِ کونسل ءِ 17 ھپدھمی لس دیوان ءَ وتی گڈی گشتانک ءَ اوگان الس آنی کمک ءِ واستہ شش ٹکی فریم ورک ءِ شور ءُ مشور پیش کنان ءَ گوشت کہ ما باسکیں ملک ءُ ایندگر ڈونرز آنی نیمگ ءَ کتگیں سوگند ءُ کرار آں ھوار اوگان الس آنی زوتیں آسودگی ءُ کمک ءِ پجاری ءِ واستہ او آئی سی ءِ ٹوک ءَ پلیٹ فارم برجا کنگ لوٹ ایت۔ آئی ءَگوشت کہ اوگانستان ءَ را بنی آدم ءِ ڈکالی ءَ چہ رکھگ ءِ واستہ توامیں مسلمان آنی وت مہ وتی یکوئی ءَ کرد ءِ پیلو کنگ لوٹ ایت۔
