کوئٹہ۔19دسمبر (اے پی پی): سروزیر بلوچستان میر عبدالقدوس بزنجو ءَ اسلام آباد ءَ او آئی سی ءِ وزیر ءِ درئی کار دیوان ءِ برجائی ءَ را وش اتک کنان ءَ گوشت کہ یک دراجیں وھد ءُ پاسے ءَ چہ پاکستان ءِ میزبانی ءَ او آئی سی ءِ لس دیوان ارزشتی انت۔ وتی یک بیانے ءَ سر وزیر ءَ گوشت کہ اوگانستان ءِ جاور ھال آنی ھوالگ ءَ مسلمان آنی یکجائی ءَ گند ءُ نند ءِ ھوالگ ءَ نگاہ ایر انت ءُ دیوان ءِ برجائی یک وشیں ءُ ایمنیں اوگانستان ء، واستہ پاکستان ءِ پکوئیں کوشست ءِ درشان انت۔ سر وزیر بلوچستان ءَ گوشت کہ دیوان ءِ وسیلگ ءَ اوگانستان ءِ جوانیں باندات ءِ واستہ ءُ یکجائیں کار رپک ءِ تیاری ءِ گوما میان اوستمانی الس ءَ را ایشی ءِ زمہ واری آنی ھوالگ ءَ کلوہ دیگ بیت۔ سر وزیر ءَ اے امیت ءِ در شان کت کہ او آءی سی وزیر ءِ درئی کار ءِ دیوان ءِ آسر رس انت ءُ پڑ ءِ جاور ھال آنی سر ءَ جوانیں رند پد سہرا بنت۔
