اسلام آباد۔19دسمبر (اے پی پی): وزیر ءِ درئی کار مخدو م شاہ محمود قریشی ءَ او آئی سی وزیر ءِ درئی کار کونسل ءِ لس دیوان ءِ موہ ءَ اردن ءِ وتی ھمکار ایمن صفا دی ءَ گوں گند ءُ نند کت۔ اردنی وزیر ءِ درئی کار ءَ شاہ اردن ءِ ھلاپ ءَ پاکستان راج ءَ را دوستی ءُ یکوئی ءِ کلوہ پجارینت۔ وزیر ءِ درئی کار ءَ گوشت کہ پاکستان ءُ اردن ءِ نیام ءَ براتی ءُ یکوئی است انت ایش مئے یکجائی دود ءُ ربیدگ ءُ راجدپتر ءَ گوں بندوک انت۔ وزیر ءِ درئی کار ءَ پاکستان ءُ اردن ءِ نیام ءَ جوانیں پالیشی کوآرڈنیشن ءُ دو نیمگی یکوئی آناں دیمروئی ءِ ضلورت ءِ سر ءَ زور پر دات۔ آئی ءَ گوشت کہ ما پاکستان اردن یکجائی وزارتی کمیشن ءُ دوئیں ملک آنی وزارت ءِ درئی کار ءِ نیام ءَ زوت سول ءُ تران آنی برجائی ءِ وداریگ آں۔ اردن ءِ وزیر ءِ درئی کار ایمن صفادی ءَ جوانیں میزبانی ءِ پد ءَ وزیر ءِ درئی کار مخدوم شاہ محمود قریشی ءِ شگر ءُ منت گران ءَ آئی ءَ را اردن ءِ تر ءُ تاب کنگ ءِ دعوت دات۔
