اسلام آباد۔19دسمبر (اے پی پی): پارلیمنٹ ءِ زالبولیں باسک اسلامی کمکی گل او آئی سی ءِ سر ءَ دل یکیمی ءِ درشان ءَ کنان ءَ گوشت کہ وزیر ءِ درئی کار کونسل ءِ ھپدھمی لس دیوان ءِ پازیٹیو رند پد سہرا بوتگ ءُ انت ءُ ھمساھگیں ملک آنی الس آنی واستہ بنی آدم دوستی ءِ بنیات ءَ کمک آنی پجاری ءَ را دل یکیمی جوڑ کنگ ءَ کمک رسیت۔ بنگیجی دیودان ءَ وزیر ءِ درئی کار ، مندوبین، میاں اوستمانی گشتانکار ءُ میڈیا ءِ ھوار بوھگ ءَ چہ پد راجی اسمبلی ءِ زالبولیں باسک آں اے امیت سہرا کت کہ 40 سال ءَ چہ گیش وھد ءُ پاس ءَ چہ پد او آئی سی ءِ اینچوک ارزشتی ایں دیوان ءِ میزبانی کنگ پاکستان ءِ واستہ شرپ ءُ ازت ءِ گپ ات۔ پارلیمانی سیکرٹری برائدے کانود ءُ انصاف بیرسٹر ملیکہ بخاری ءَ میڈیا ءَ گوں تران کنان ءَ گوشت کہ ھاسیں دیوان ءَ داستگیں بیان ءُ بنگ گپ آں چہ سہرا بیت کہ زوت اوگانستان ءَ سکیں ساھت ءُ ڈکالی ءَ را گر ءُ دار ءِ واستہ روڈ میپ ءِ تیار کنگ بیت۔
