اسلام آباد۔19دسمبر (اے پی پی): مزن وزیر عمران خان ءَ اوگانستان ءِ ھمزوریں آباتی ءَ را بنی آدم دوستی ءِ بنیات ءَ کمک پجاری ءُ میاں اوستمانی برات آنی نیمگ ءَ معاشی ھواری ءِ ضلورت ءِ سر ءَ زور پر داتگ۔ اے ھیالانی درشانی آئی ءَ اسلامی کمکی گل او آئی سی ءِ وزیر ء، درئی کار کونسل ءِ 17 ھپدھمی لس دیوان ءِ موہ ءَ سیکرٹری جنرل او آئی سی حسین ابراہیم طحہٰ ءَ گوں گند ءُ نند ءِ ساھت ءَ تران کنان ءَ کت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ سیکرٹری جنرل او آئی سی ءِ پاکستان ءَ اولی تر ءُ تاب کنگ ءِ پد ءَ وش اتک کت ءُ او آئی سی وزیر ءِ درئی کار کونسل ءِ لس دیوان ءَ آئی ءِ شگر ءُ منت گپت۔ آئیءَ اوگانستان ءَ ایمنی ءُ برجائی ءِ واستہ او آئی سی ءِ کوشست آناں ساڑات۔ آئی ءَ اوگانستان ءِ ھمزوریں آباتی آناں بنی آدم دوستی ءِ بنیات ءَ کمک پجاری ءُ میاں اوستمانی برات آنی نیمگ ءَ معاشی سول ءُ تران آنی ضلورت ءِ ارزشت ءَ را سہرا کت۔ مزن وزیر ءَ سرجمیں دگنیا ءَ مسلمان آنی جیڈھ اسلامو فوبیا ءِ جیڈھ ءِ جیڈھ ءَ را سہرا کت۔ آئی ءَ شور ءُ مشور دات کہ او آئی سی سرجمیں د گنیا ءَ مردم آناں حضرت محمد ﷺ ءَ گوں مسلمان آنی دوستی ءُ یکوئی ءِ بابت ءَ سرپدی ءِ واستہ سروکی ءَ بکن انت۔ مزن وزیر ءَ بھارت ءِ زوراکی ءَ گوں کشمیر ءَ بنی آدم آنی لگت مالی کنگ ءِ ھوالگ ءَ دلرنجی ءُ نہ وشی ءِ درشان کت۔ او آئی سی ءِ نیمگ ءَ چہ کشمیری آنی کمک کنگ ءَ را ساڑات ءُ گوشت کہ آئی ءَ او آئی سی ءِ سیکرٹری جنرل ءَ گوں دزبندی کت کہ آ یونائیٹڈ نیشن ءِ سلامتی کونسل ءِ منوگری ءِ رد ءَ کشمیر ءِ کشاں چیل ءِ گیواری بہ بیت۔ سیکرٹری جنرل او آئی سی ءَ اوگان الس آنی جیڈھ آنی گوایری ءِ واستہ مزن وزیر عمران خان ءِ سروکی ءَ او آئی سی وزیر ءِ درئی کار کونسل ءِ لس دیوان گوانک جنگ ءِ پد ءَ شگر ءُ منت واری گپت۔ آئی ءَ پاکستا ن ءَ وتی برجائی ءِ ساھت ءَ جوانیں میزبانی ءِ پد ءَ پاکستان ءُ ایشی ءِ الس آنی ھم شگر ءُ منت واری گپت۔
