اسلام آباد۔ 19 دسمبر (اے پی پی) وزیراعظم عمران خان جہانی برادری آ زور شاغسا پارینے کہ او اوغانستان اٹی مریس مدتی تعمیر نو و انفراسٹرکچر ڈویلپمنٹ کن ودکی وڑوڈول اس پٹے، اوغانستان اٹی زند انا آب ءِ گچین کننگ و زرگزرانی انہدام آن بچنگ کن جہانی انسانی امداد نا دمدستی المی ءِ۔ داخیال آتا درشانی ءِ او ایران نا وزیر خارجہ ڈاکٹر امیر حسین عبداللہ تون اوڑدہی ٹی کرے۔ یک شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم عمران خان ایران نا وزیر خارجہ نا پاکستان نا اولیکو دورہ نا ستاءِ کرسا اوغانستان نا ساڑی آ زرگزرانی حالیت آتا بابت پاکستان نا نکتہ نظر آن معلومدار کرے۔ اوپارے کہ اوغانستان اٹی زند انا آب ءِ گچین کننگ و زرگزرانی انہدام آن بچنگ کن جہانی انسانی امداد نا دمدستی المی ءِ۔ اواومیت ظاہر کرے کہ اہم انگا دیوان آن اسلامی کمکار تنظیم نا باسک ملک آتے اوغانستان نا کمک نا موقع رسینگک۔ وزیراعظم جہانی برادری آ زور شاغا کہ او اوغانستان اٹی مریس مدتی تعمیر نو و انفراسٹرکچر ڈویلپمنٹ کن ودکی وڑوڈول اس پٹے۔ ہڑتوم آ کنڈآتا امور نا بابت وزیراعظم عمران خان دوستانہ ہڑتوم آ کنڈآتا تعلقداری تے تالان کرے و اوفتے پین سوگو کننگ نا پاکستان نا عزم انا درشانی ءِ کرے۔ اوایران خاص وڑاٹ سپریم لیڈر نا کنڈآن کشمیر نا جھیڑہ غا پدریسہ مخ تفی نا ستاءِ کرے۔ وزیراعظم ایران نا صدر ابراہیم رئیسی ءِ دورہ نا سلہ خلک۔ وزیرخارجہ ڈاکٹر امیر حسین عبداللہ اوغانستان نا بابت اسلامی کمکار تنظیم نا وزراء خارجہ کونسل نا اہم انگا دیوان نا مہمانداری نا فیصلہ غا پاکستان نا ستاءِ کرے۔ اوتین پہ تینی تعلقداری تا مون آ دننگ کن ایران نا پورو کمکاری نا باور کرفے۔
